منتدى إذاعة أم القرى من بغداد

مرحبا بكم معنا حيث الفائده المميزه شعارنا
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 شيعة عمر وسنة علي / خمس سنوات على الاحتلال

اذهب الى الأسفل 
كاتب الموضوعرسالة
حامد الدليمي
عضو نشيط ومتألق
عضو نشيط ومتألق
avatar

ذكر عدد الرسائل : 9
العمر : 36
تاريخ التسجيل : 24/04/2008

مُساهمةموضوع: شيعة عمر وسنة علي / خمس سنوات على الاحتلال   الخميس مايو 08, 2008 10:33 am

إسمع يابوش يللي إتگول دادي..
تره شيعة علي وسنّة عمر.. يدرون أنت الضارب علي الهادي
ما تدري العراقي للعراقي.. إبمهجته وبعمره فادي ؟
| | |
يا بوش صحصح.. تره موش إحنه النتقبّل الذله
إحنه شعب واحد.. وحبل الوصل باقي وما نفلّه
متحزمين فد حزام.. ونحط بيك ألف عِلّه
ومن ينجرح شيعي.. سنّي اليضمده وما يمله
والشيعي يهب وبسبّاح قَلبه.. يخيّط الجرح للسني ويشلّه
ولتصدّك يشمت إبن تكريت.. لو حرگوا الحله
ويظل الجبل باربيل شامخ.. والهور والگصب والبردي ظِله
شعب صاح أبفرد صوت.. هيهات منّا الذله
| | |
لازم تاخذ درس من (عثمان).. إبعملة جسر الأيمه
يوم إنتخه.. ذب روحه إبوسط دجله.. من أجل الخُوّه واللّمه
شنهو شيعه شنهو سنه .. مادام عراقَي لازم الهَوه يشَمّه
نقذ تسع أرواح .. وصار الشعب، كل الشعب أُمه
عدنه طبع.. إنرضّع بالحليب الشرف والغيرة والهمه
لتقيس الشعب من زمره ارتضت .. وسْكَنتْ بالمنطقه الخضره
أرد اگلك .. من يطفه (أوچاغ ) المضيف.. حتما تظل جمره
ومن تغيب الشمس ... حتما تظل حُمره
خلّك تعاند خلّك تكابر.. وخلّك تسمع حجي الزمره
تنور( تسواهن) شعل ناره.. وبانت تره (الگمره)
وفاض العجين وشبع يا بوش.. بالخُمره
وجا وقت الخُبز ... وشوف سواعد السمره
| | |
حسبالك شعب تافه وتعبّر أفلامك علی الناس؟
عدنه الطفل يفهم بالعلوم.. وبالذرّه وخِبرة الماس
عدنه المراجل بالوراثة.. وعدنه الشرف ما ينداس
عدنه الوطن كلشي .. والشعب تاج إيصير فوك الراس
نتنومس بالشجاع.. وصاحب الغيرة المايطخ راس
وعار عدنه العمالة.. ومن الخيانة عدنه مرض وسواس
ونكره الغاصب والمعتدي .. خصوصا لو جاي من تكساس
| | |
تتعايش مستحيل إعلوجك وي أهل غماس
ومستحيل اليشرب (إشنيّنه).. يگلك cheers ويرفع الكاس
ومستحيل إتميّع شعب.. مفطوم عالبارود وقدوته العباس
هذا نبض يسري إبدمنه أبو راس الحار.. يا شيمه ويرفعة راس
هذا نجل داحي الباب .. وبن عم العسكري الماينجاس
إحنة شعب مغوار.. إيد تبني وإيد بيها القلم والقرطاس
ويظل إبن الرمادي والنجف ودهوك فرد إحساس
ويظل (يتخورد الحجي).. ويظل عگاله فوگ الراس
عساك.. طگك حريشي وهودلي ونشله وألم وعطاس
كلنه عراق واحد أبد ماينداس.. حتی لو فرقونا بكل بلد راس
تحياتي لجميع العراقين

منقووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رشا الشيخلي
مشرف يحمل الوسام الفضي
مشرف يحمل الوسام الفضي
avatar

انثى عدد الرسائل : 740
العمر : 35
تاريخ التسجيل : 31/03/2008

مُساهمةموضوع: رد: شيعة عمر وسنة علي / خمس سنوات على الاحتلال   الخميس مايو 08, 2008 11:06 am




الأخ الكريم (حامد الدليمي)..
حياكَ الله وبارك فيك ..

وإن شاء الله دائماً تتواصل معانا ..
وبانتظار المزيد من الإبداعات الشعرية ..

جزاكَ الله تعالى خيراً اخي الكريم ..
وأهلاً وسهلاً بك ..






حياكم الله ..










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شيعة عمر وسنة علي / خمس سنوات على الاحتلال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى إذاعة أم القرى من بغداد :: المنتدى الفكري والثقافي :: منتدى الشعر العربي-
انتقل الى: